តើ JavaScript ជាអ្វី?
JavaScript គឺជាclient site script មួយសម្រាប់គេហទំព័រ គឺវាមិនត្រូវការ Server ដើម្បីធ្វើការ Compile កូដរបស់វានោះទេ វាអាចដំណើរការលើ Browser តែម្តង។JavaScript គឺជាភាសាដ៏មានប្រជាប្រិយភាពមួយនៅលើប្រព័ន្ធអ៊ិនធ័រណិត និង វាដំណើរការនៅលើ browsers ជាច្រើនដូចជា Internet explorer, Firefox, Chrome, Opera, Safari និង browsers ជាច្រើន ផ្សេងទៀត។ មានគេហទំព័ររាប់លាន បានប្រើភាសា JavaScript ដើម្បីបន្ថែមធ្វើឲ្យគេហទំព័រមានភាពទាក់ទាញ ពីសំណាក់អ្នកទស្សនា។ ក្នុងការងារដែលគេតែងតែប្រើវាច្រើនជាងគេនោះ គឺ ប្រើដើម្បីដាក់លក្ខខ័ណ្ឌ ទៅលើការបញ្ជូលទិន្នន័យនៅលើ Form និង ចាប់យកឈ្មោះ Browser ដែលអ្នកទស្សនាកំពុងតែប្រើ។
ប្រវត្ថិរបស់ JavaScriptJavaScript ត្រូវបានបង្កើតដោយ លោក Brendan Eich ដែលបំរើការនៅក្នុងក្រុមហ៊ុន Netscape។ ដំបូង JavaScript ត្រូវបានគេបានដាក់ឈ្មោះថា Mocha ប៉ុន្តែក្រោយមក គេបានប្តូរឈ្មោះទៅជា LiveScript។ បន្ទាប់មកទៀត ក្រុមហ៊ុន Netscape និង Sun Microsystem បានសហការគ្នា ក្នុងការអភិវឌ្ឍន៍ LiveScript រួចក៏បានប្តូរឈ្មោះទៅជា JavaScript វិញ នៅថ្ងៃទី ៤ ខែ ឆ្នូ ឆ្នាំ ១៩៩៥ ។
