តម្រាពិជ័យ សង្គ្រាមស៊ុនជឺ ដែលមានទ្រឹស្តីពិសេសៗ

ក្នុងបណ្តាសៀវភៅផ្នែកគំនិតប្រាជ្ញារបស់ចិន មានតែមួយចំនួនតូចប៉ុណ្ណោះ ដែលត្រូវបាន គេលើកតម្កើងថាជាដូចជា គម្ពីរខុងមេង គម្ពីរឡៅជឺ ជាដើម។ គម្ពីរ «តម្រាពិជ័យសង្រ្គាមស៊ុនជឺ» គឺជាសៀវភៅមួយដែលបានត្រូវគេចាត់ទុកថាជា​ «គម្ពីរ» មួយដូចគ្នា។

មានអ្នកជំនាញផ្នែកកងទ័ពជប៉ុនម្នាក់ បានសរសេរអធិប្បាយអំពីសៀវភៅនេះយ៉ាងល្អិតល្អន់ និងសន្និដ្ឋានថា នេះជាសៀវភៅដ៏អស្ចារ្យបំផុត។ គឺជាគំនិតប្រាជ្ញាដែលមនុស្សគ្រប់រូបអាចយកមកប្រើប្រាស់ពេញមួយជីវិត របស់ខ្លួនបាន​ ពុំមែនគ្រាន់តែប្រើប្រាស់ក្នុងសង្រ្គាម តែមួយមុខនោះទេ សូម្បីតែកិច្ចការផ្សេងៗទូទៅ និងការ ទ្រទ្រង់ជីវិតក្នុងគ្រួសារក៏  «តម្រាពិជ័យ សង្គ្រាមស៊ុនជឺ» នេះ  នៅតែមានប្រយោជន៍ផងដែរ។ «ស្គាល់​សមត្ថភាព​ខ្លួនឯង​ ស្គាល់​សមត្ថភាព​សត្រូវ   ច្បាំង​មួយ​រយ​ដង​ ឈ្នះ​ទាំង​មួយ​រយ​ដង»បើមិនទាន់ស្គាល់ ស៊ុនជឺ ទេ សុំកុំទាន់ប្រញាប់ធ្វើសង្រ្គាម!...

ម្ចាស់តម្រាពិជ័យសង្រ្គាមដ៏ល្បីល្បាញកាលពីសម័យបុរាណ និងនៅតែមានឥទ្ធិពលដល់បណ្តាមេដឹកនាំយោធា
និងបណ្ដាម្ចាស់អាជីវកម្មជាច្រើនលើលោក... នៅអាមេរិក តម្រាពិជ័យសង្រ្គាម ស៊ុនជឺ នេះ ត្រូវបានគេយកទៅធ្វើជាតម្រាក្នុងមហាវិទ្យាល័យការពារជាតិ អស់
ពេលជាយូរមកហើយ...